La rubrica Panorama è deditgada a las actualitads da la Svizra, da l’Europa e da tut il mund. Ella è sutdividida en trais parts:

Inter per las actualitads internaziunalas. Ils gronds sco era il pitschens eveniments globals vegnan sut la marella academica: elecziuns americanas, stgaudament dal clima, conferenza dals G8. La glista da temas na conuscha nagins cunfins!

Europa per las actualitads europeicas. Impussibel da pensar oz a la Svizra senza considerar il svilup en Europa. eCHanges tematisescha las actualitads tar noss proxims vischins: è lur curtin pli verd? Descrivai vus quai!

CH per las actualitads svizras: independentamain sche nus discurrin tudestg svizzer, franzos, talian u rumantsch, nus avain tuts insatge da parter: la rubrica offra la pussaivladad da guardar il pajais or da l’optica multiculturala. Faschain da nossas differenzas ina paletta creativa!

Sche vus as decidais da daventar reporter, recumandain nus a vus da scriver davart las tematicas che vus enconuschais bain. Sche vus essas lecturs, as stattan sa chapescha a disposiziuns tut las tematicas: i basta dad avair in spiert avert!